Telebista arrotza puskatzen

 

Ur berdin ezberdinaren

lamia kantu lotiaren kulunkan

su berdin ezberdinaren

sorgin dantza xarmanta

gau berdin ezberdinaren

basajaun altzo zabalean...,

berrogei neska,

hogetamar mutil

kanta kantari,

kontu kontari,

dantza dantzari

landa apatzaren

ihintz hozkirrian

betiko telebista

berdin ezberdina ikusten,

gure telebista sortzen,

telebista arrotza puskatzen,

telebista arrotza puskatzen,

telebista arrotza puskatzen...

 

 

© Mikel Zarate

 

 

"Utopiaren fantasian" liburua

"Mikel Zarate - Lan guztiak" orrialde nagusia