Lanetik kirola
Biziminez gogoa,
biziminez ola,
bizimin alai; mahatsetik ardoa,
lanetik kirola,
langileen jai.
Pisu eta trebetasun,
indar eta elkartasun,
sokatiraren poztasun.
Gazte, indartsu, trebe,
astuntasunaren garaile
bi harri-jasotzaile.
Idiak lagun
ta gizona jaun,
indar froga,
hamabost baietz,
hamasei ezetz,
idiproba.
Hasi da
ahari-talka;
aurreraka,
atzeraka,
ahariak taka
eta taka
topaka,
saltuka,
ta jendea
oihuka
ta apustuka.
Itsasoaren jolastoki urdin,
arrantzale gazteen ahalegin,
estropaden eder eta atsegin!
Pelotarekin txalapartari,
txalapartarekin dantzari,
Euskal Herriko pelotari.
Biziminez gogoa,
biziminez ola,
bizimin alai;
mahatsetik ardoa,
lanetik kirola,
langileen jai. |
© Mikel Zarate