Solozabal Paulino «Egieder»

        Etxebarrian jaioa (1912). Abadea.

        Iru olerki-liburu idatzi ditu gure «Egieder»-ek:

        «Uskeriak». Bilbao, 1961.

        «Urre bitza». Bilbao, 1962.

        «Gizonetan». Bilbao, 1969.

        Ona hemen, adibidez, bere lora eder bat:

        Olerkari

        Olerkari txit bizkor,

        gau odeitsu illunean

        oiñestarri diztikor.

        Erriak lo ameskor,

        olerkari kantari

        goizeko urretxindor.

        Gogo motel garaian,

        olerkiaren gatzak

        min erri-biotzean.

        Oi, olerkari sutsu!

        zure urre gogoan

        maitasunak loratsu [1].

        [1] «Uskeriak», 163-garren orrialdean.

© Mikel Zarate